立法會選舉

家住北角，自然是比較關心自己選區的候選人了。以下係我對參選的十張名單的「個人」睇法，當然充滿了偏見，閱後血壓升高，貴客自理：

一號（自由黨的林翠蓮）：本來對她沒甚麼惡感，但自由黨的老闆味太重，況且早幾個月同黨的張宇人講勞工假件事，我覺得實在好難頂。

二號（何秀蘭）：係零三年區選一單挑擊敗葉國謙，以為會有一番作為，不料她作為那裡的區議員的表現實在令人失望，叫人如何有信心給你一票？

三號（民主黨的甘乃威，楊森）：社工係唔夠公民黨班美女律師咁有號召力了，不過我不忍看見白鴿黨的旗幟倒下，所以都幾有機會投這一票。況且，甘仔都捱左咁多年，做了咁多次二奶，難得泛民都俾個機會佢，都想俾個機會佢上位。

四號（曾健成）：唔係話做判頭就冇資格做立法會議員，但佢個格同款，都係做區議員適合點；

五號（民建聯的曾鈺成，蔡素玉等）：不用說，永久 blacklist 這個以愛國為名賣港為實的組織；

六號（蕭敏華）：你是誰？

七號（勞永樂）：也可以考慮的人選，不過... 一個醫生那麼熱心從政，不太理解。

八號（公民黨的陳淑莊，余若薇等）：公民黨最大的錯誤係把陳淑莊做頭。我不太接受到一個從政經驗那麼淺的人來做立法會議員。況且上年啊 Tanya 還只是因為田少的失言而獲不少山頂區的同情分而當選。

九號（葉劉淑儀等）：本來早幾年搞基本法第23條的惡形惡相就深入了民心，但這兩年她「洗底」的部署又確係幾成功，不過，能否打動到我是另一回事了。

十號（黎志強）：都不知是誰的無間道－幫人分薄票源吧。

去到最後，我那一票好可能會在三號或七號之間選擇，但還未定案。